Poetry by Haya Butt

aay zindagi ab sanbhal k leta hai tera naam
yeh dil k jis ko shoq kabi khudkushi ka tha

aay zindagi es dil ko rakhna sanbhaal ke
ja raha tha chor ke duniya ki rounaqain

jab chaho garmi lafzon mein
kuch jazbaat hamaray le jana

jab thak jao tanhai se
din raat hamaray le jana

Koi phool do, koi khuawab do, main bohat dinon say udaas hun
Meri zeest ko tab_o_taab do, main bohat dinon say udaas hun

K ye intezar k saaray pal hain azab_e_jaan banay huay
Meray khat ka kuch to jawab do, main bohat dinon say udaas hun

Mujhy qaid ker lo wasal k kisi lamha_e_dilfaraib mein
Koi saaya do, koi saraab do. main bohat dinos say udaas hun

Jisay parrh ker dil ko khushi milay, meray saaray jazbay mehak uthen
Mujhy aisi koi kitaab do, main bohat dinon say udaas hun

Usi ishq say, usi chaah say, usi pyar say, usi maan say
Meray hath mein ek gulaab do, main bohat dinon say udaas hun... .

meri aankhon mein khumar hai mera dil bhi beqarar hai
mera haath mein sharab do mein bohot dino se udaas hoon

chahay lag ja'ay fatwa hum pe kufr ka haya
hum tou bas tumhain hi apna khuda rakhain ge

hum tou bhatak ke raasta manzil apni gunwa baithay
dil ki baat maan ke hum jaan apni gunwa baithay

kashti rawan rahi apni raat ke andheron mein
hawa ke hum muqabil thay badbaan gunwa baithay

ab kisi se kiya kahain qasoor bhi tou apna hai
tund o tez aandhi mein chiraagh hum jala baithay[/color]

kuch bhi nahin hai mere paas jo toot ja'ay ga
kisi meherbaan ka haath bhi nahin jo choot ja;ay ga

es be samar shajar ko khizan ka darr nahin
es patta bhi nahin jo shaakh se toot ja'ay ga

aankhon ke samundar mein ek boond bhi nahin
kiya ho ga jo ashqon ka band toot ja;ay ga

gustaakhi agar kar bhi loon zubaan khol kar
koi jazba hi nahin hai jo phoot ja;ay ga

taaluq tootna hai tou toot ja'ay saray zamanay se
honay do khafa apnay tumhain apna bananay se

tumharay saath reh loon gi jis haalat mein rakho ge
gawara maut hai mujh ko tum se duur jaanay se

kabhi yeh sochna bhi matt ke mein tum ko jalaoon gi
ke mein khud ko jala loon gi tumhara dil jalanay se

tumhari jaan se pehle mein apni jaan de doon gi
jaan dena hi acha hai tum ko aazmanay se

tumhara naam likha hai haathon ki lakeeron mein
lakeerain mit nahin sakteen kisi heelay bahanay se

meri gali mein aap tou aana nahin kabhi
dil mein yeh khayal bhi lana nahin kabhi

deni ho daad tou kartay hain alfaaz mein bayan
yoon khaali haath taali bajaya nahin kartay

tere khayalon mein aaj hi khoya nahin hoon mein
chaha tou bohot dil ne magar roya nahin hoon mein

khuwabon mein mere aa ke sata'ay na tu mujhe
shab bhar issi khayal se soya nahin hoon mein