*....Amjad Islam Amjab Sahib Ka Kalaam....*

by **Saaim** 27th August 2010, 6:34 am

Assalam u Alaikum to All Friends.....

Main ne yahaan poetry section main kaafi traffic notice ki hai,
aur sub members ko yahaan kaafi involved paaya hai,

lekin ik baat ki kami mahsooos howi woh yeh ke har koi aakar single single poetry post kar ke chala jaata hai,
aur is tarah hum bus poetry tou parhlaitay hain magar humari wajah se us poet ko koi faida nahi puhanc raha....

tou main ne socha ke kuch threads banaaye jaaen, jis main hum poet ki poetries post karain,
ta k likhnay waalay ko hum apni taraf se us ke bahtareen kalaam likhnay par
khiraaj-e-tehsen paish kar sakain.....

Hope yeh idea aap sub friends ko bhi pasand aaega

So First of all main thread banaa raha hoon apnay favorite poet "Amjad Islam Amjad" Sahib ki poetries se

Aap sub b Amjad sahib ki potries ko yahaan post kar saktay hain

Magar yaad rahay ke jis poet ko thread dedicate kiya jaraha hai sirf usi ki potry wahaan post karain....

by **Saaim** 27th August 2010, 6:34 am

by **Saaim** 27th August 2010, 6:39 am

by **Saaim** 27th August 2010, 6:41 am

by **Saaim** 27th August 2010, 6:43 am

by **Saaim** 27th August 2010, 6:45 am

by **Saaim** 27th August 2010, 6:46 am

"Sub Tumhaaray Liye"

Sub tumharay liye
Jaan-e-jaan ye jahan
Ye zameen aasmaan
Ye meray raat din
Khaak hain teray bin
Ye meri zindagi
Dosti dushmani
Raastay, waastay
Sub tumharay liye
Tum jo dekhotum tu meray shub-o-roz ko
Koi matlab milay
Tum jo pocho meray har ek harf ko
Koi rutba milay, Koi mansab milay
Tum jo meray waastay kuch kabhi
Main sitaron ko muthi bhar laon ga
Tum agar ek din mujhko aawaz do
Main jahan par bhi hoon, Lot kar aaonga
Ye meray jism-o-jaan
Meray sher-o-sukhan
Meri aabaadyaan
Meri tanhaaiyaan
Meri har aarzo
Meri mayosiyaan
Ab tumharay liye
Sub tumharay liye.....

by **Saaim** 27th August 2010, 6:52 am

by **Saaim** 27th August 2010, 7:03 am

by **Saaim** 27th August 2010, 9:30 pm

Agar Kabhi Meri Yaad Aaye
To Chaand Raaton Ki
Dilgeer Roshni Main
Kisi Sitaray Ko Dekh Laina
Agar Woh Nakhal Falak Say Urh Kar
Tumharay Kadmoon
Aagiray To Yeh Jaan Laina
Woh Istiaara Tha Meray Dil
Kaa
Agar Naa Aaye?.....
Magar Yeh Mumkin Hi Kis
Tarha Hai Kay Tum Kisi
Par Nigah Daloo
Too Us Ki Deewaar-E-Jaan
Naa Tootay
Woh Apni Hasti Naa Bhool Jaye!!
Agar kabhi Meri Yaad Aaye
Garaiz Karti Hui Hawaoon
Ki Lehroon Pay Haath Rakhna
Main Khushbuoon Main
Tumhain Miloon Gaa
Mujhay Gulaab Ki Patioon
Main Talaash Karna
Main Aous Qatra Kay Aainay Main Tumhain Miloon Gaa
Agar Sitaaroon Main, Aous
Khushbhuoon Main
Naa Paoo Mujh Koo
To Apnay Kadmoon Main
Dekh Laina
Main Gird Hoti Musafitoon
Main Tumhain Miloon Gaa
kahin Pay Roshan Chiraagh
Dekh Loo To Jaan Laina
Kay Har Patangay Kay
Saath Main Bhi Sulag Chuka Hoon
Tum Apnay Haatoon Say In
Patangoon Ki Khaak Darya Main Daal Daina
Main Khaak Ban Kar
Sumandar Main Safar Karoon Gaa
]Kisi Naa Dekhay Huay
Jazeeray Par Ruk Kay
Tumhain Sadain Doon Gaa
Sumandaroon Kay Safar
Pay Nikloo
Too Is Jazeeray Pay Kabhi Utarna

Agar Kabhi Meri Yaad Aaye.....

Amjad Islam Amjad

by **Saaim** 27th August 2010, 10:12 pm

by **Haya** 28th August 2010, 4:01 am

wa alikum as salam saaim.!
Hmmm nyc idea,,,
pasand aya.!
inshaALLAH zaror post karungi yahn "Amjad islam amjad" saheeb ki poetries.!
khush rahey.!! *....Amjad Islam Amjab Sahib Ka Kalaam....* 526242

*....Amjad Islam Amjab Sahib Ka Kalaam....* 526242

by **Haya** 28th August 2010, 4:09 am

*....Amjad Islam Amjab Sahib Ka Kalaam....* 000562671bt3

Amjad saheeb ka hi kalam hai.!
dekh lijyga *....Amjad Islam Amjab Sahib Ka Kalaam....* 526242

by **Haya** 28th August 2010, 4:25 am

*....Amjad Islam Amjab Sahib Ka Kalaam....* Muhabat%20-%20Amjad%20Islam

mjhy iska back ground bht hi acha laga.!
to0 socha k share kar dun *....Amjad Islam Amjab Sahib Ka Kalaam....* 526242

by **Saaim** 28th August 2010, 4:45 am

hmm thank you for being active in this thread....

and keep sharing nice stuff *....Amjad Islam Amjab Sahib Ka Kalaam....* 526242

thank u...

by **Haya** 28th August 2010, 5:25 am

inshaALLAH>!
nd any tym dear.!

by **Saaim** 28th August 2010, 5:32 am

inshaALLAH

by **Saaim** 3rd September 2010, 9:29 pm

Koi Zanjeer Ho Usko Muhabbat Torr sakti hai
Jidhar Chahe ye Bagein Zindagi ki Morr Sakti hai

Muhabbat Roak Sakti hai Kisi Girtey Sitarey Ko
Kisi Jaltey Shararey Ko , Fana Kay Shuaarey ko

Ye Chalna Choor Aaenay Ki krichein Jorr Sakti hai
Koi Zanjeer Ho, usko Muhabbat Torr sakti hai

Muhabbat Per kisi bhi Rasm ka Pehra nahin chalta
Kisi Aamr ,Kisi Sultan ka Sikka nahin Chalta

Ye her Zandaan Ki Aandhi Salakhein Torr sakti hai
Koi Zanjeer Ho Usko Muhabbat Torr Sakti hai

Ye Jab chahe Kisi Bhi khwab ki Tabeer Mil Jaye
Kisi Rastey mein Raasta Poochti ,Taqdeer Mil jaye

Samey kay Taiz Dharoon ko Ye pichey Chorr Sakti hai
Koi Zanjeer Ho , Uss ko Muhabbat Torr Sakti hai

by **Saaim** 9th September 2010, 8:01 pm

Apnay ghar ki khirkee se main aasman ko dekhon ga
jis par tera naam likha hai , us taray ko dhoondon ga

tum bhi har shab diya jala kar palkon ki dehleez pe rakhna
main bhi roz aik khwab tumharay shehar ki janib bhaijon ga

hijr k darya main parhna lehron ki tehreerien bhi
pani ki har satar pe main kuch dil ki baatien likhon ga

jis tanha se payre k neechay hum barish mein bheegay thay
tum bhi usko chhoo k guzarna, main bhi us se liptoon ga

khwab musafir lamhon k hain , saath kahan tak jaien gay
tum ne bilkul theek kaha hai , main bhi ab kuch sochon ga.

by **Saaim** 9th September 2010, 8:02 pm

Kahan aakey Ruknay thaay Rastey,Kahan Morr thaa usey Bhool Ja
Vo jo Mil Gaya usey Yaad rakh,Jo nahin mila ,Usey Bhool Ja

Vo Teray Naseeb ki Baarishein kisi Aur chatt pay baras gaein
Dil-e-Bekhabar meri baat Suun,Usey bhool ja ,Usey bhool ja

Mein tou Guum thaa teray he Dihan mein,Teri Aas Teray Guman mein
Saba keh gaye hai Meray Kaan mein,Meray Pass aa usey bhool ja

Kisi aankh mein nahin Ashke gham,Teray baad bhi nahin hai Kamm
Tujhay Zindagi nay Bhula Diya,Tu muskura Usey bhool ja

Na Vo Aankh he teri aankh thee,Na Vo khwab he tera khwab thaa
Dil Muntazir hai tu kis liye Tera jaagna ,Usey bhool ja

Ye Jo Raat Din ka hai Khail sa,Usey daikh kay Uus pay yakeen na ker
Nahin Aks koi bhi Mustakil Sarr-e-Aaena usey bhool ja

Vo Jo Bisat-e-Jaan he ulat gaya ,Vo jo raastey say Palat Gaya
Usey rokney say husuul kiya ,Usey matt Bhula usey Bhool ja

by **Saaim** 9th September 2010, 8:03 pm

Koi lamha bhi kabhi laut kar nahee aaya
Woh shaks aisa gaya phir nazar nahee aaya

Wafa ke dasht mein raasta nahee mila koi
Siwayye gard-e-safar humsafar nahee aaya

Kisi chiraag ne poochi nahee khabbar meri
Koi bhi phool mere naam per nahee aaya

Pallat ker aane lagay shaam ke parinday bhi
Hamara subha ka bhoola magar nahee aaya

Humein yakeen hai Amjad woh wada khilaaf
Yeh umer kaise kategi agar nahee aaya ...

by **Saaim** 9th September 2010, 8:04 pm

yahi bahut hai ke dil us ko Dhoondh laya hai
kisi ke saath sahi vo nazar tu aya hai

karoon shikayatien takta rahoon ke pyar karoon
gaye bahar ki soorrat vo laut aya hai

woh samney tha magar ye yaqeen na ata tha
woh app hai ke meri Khahishoon ka saya hai

azab hein ke kaisey hein barishein kya hein
faseel-jism giri jub tu hosh aya hai

main kya karoon gan agar woh na mil saka 'Amjad'
abhi abhi mere dil mein Khayal aya hai

by **Saaim** 9th September 2010, 8:06 pm

Bheer mein aik ajnabi ka saamna achcha laga
sab se chhup kar woh kisi ka dekhna achcha laga

surmaee aankhon k neechay phool se khilnay lagay
kehtay kehtay kisi ka sochna achcha laga

baat to kuch bhi nahi thi lekin uska aik dumm
haath ko honton pe rakh kar rokna achcha laga

chaaye mein cheeni milana us gharee bhaaya buhat
zer-e-lub woh muskurata "Shukriya" achcha laga

dil mein kitnay ehad bandhay thay bhulanay k usay
woh mila to sab iraday torna achcha laga

us adoye jaan ko Amjad main bura kaisay kahon
jab bhi aya samnay woh bay wafa achcha laga

by **Saaim** 9th September 2010, 8:08 pm

by **Saaim** 9th September 2010, 8:15 pm

hajoom e gum se jis dum admi ghabrah sa jata hai
to iase main
use apni awaz per qabbo nahi rehta
wo itne zor se feryaad kerta,chhekhta or bilbalata hai
keh jaise wo zameen per or khuda ho asmaanon per
magaer aisa bhi hota hai
keh us ki cheekh ki awaaz rukne se pehle hi
khuda kuch is qadar nazdeeq se or is qadar
rehmat bhari muskaan se us ko thapakta hai
or is ki baat sunta hai
keh feryadi ko apni cheekh ki shidat or
sada ki bechaine per nadamat hone lagti hai...

by **Saaim** 9th September 2010, 8:16 pm

Din raat kay anay janay mein
dunya kay ajaib khanay mein
kabhi sheshay dhundle hote hain kabhi manzar saaf nahi hote
kabhi suraj baat nahi kerta
kabhi taray aankh badalte hain
kabhi manzil pechay rehti hai
kabhi aasein tor nahi charhtein
kabhi khoshay pure hote hain
kabhi aankhein dekh nahi saktein
kabhi khwab adhoore hote hain
yeh sab to sahi hai lekin
aashob kay manzar khanay mein
dunya kay ajaib khanay mein
kuch saya kerti aankhon kay pemaan to dikhai dete hain
hathon say agarchay dur sahi imkaan to dikhai dete hain
haan ret kay us darya kay paar
ik peron wali basti kay unwaan to dikhai dete hain
manzil say koson dur sahi
pur dard sahi ranjoor sahi
zakhmon say musafir choor sahi
per kis say kahein aay jaan-e-wafa
kuch aisay ghao bhi hote hain jinhein zakhmi aap nahi dhote
bin roye huay aansoo ki terha senay mein chupa ker rakhte hain
or sari umr nahi rote
neendein bhi muhaya hoti hain, sapne bhi dur nahi hote
ab kis say kahein aay jaan-e-wafa
yeh ahl-e-wafa
kis aag mein jalte rehte hain
kyun bujh ker rakh nahi hote...!!

by **Saaim** 9th September 2010, 8:17 pm

by **Saaim** 9th September 2010, 8:19 pm

woh chanchal albeli lerki meri nazmain yun perhti hai
jaisay un nazmon ka mehwar
us ki apni zaat nahi hai,
(yani itni sundar lerki aur koi bhi ho sakti hai!)
jaisay us ko ilm nahi hai yeh sari batain ,us ki hain
sari ghaatain us ki hain
her aahat hai us ki aahat, sab saaye hain us kay saaye
sarey mehmal us k hain
her khushbu hai us ki khushbu, sab chehray hain us kay chehray
saarey aanchal us kay hain
jaisay us ko ilm nahi hai us lerki kay saarey kaam
saarey naam usi kay hain
her khirki hai us ki khirki, sarey baam usi kay hain
us lerki kay naam say jo kuch main nay apnay naam likha hai
us say hi mansoob hua hai
(shayed mera waham ho lekin main nay yeh mehsoos kia hai)
jab main nazam sunaata hoon woh aankh churaney lagti hai
mujh say nazrain mil jaayen to wo shermaney lagti hai
kuch lamhay woh chanchal lerki gum sum si ho jati hai
lekin thori der main phir say pather ki hojati hai
jaisay meri nazam ki lerki!!

by **Saaim** 9th September 2010, 8:20 pm

by **Saaim** 9th September 2010, 8:20 pm

by Sponsored content

....Amjad Islam Amjab Sahib Ka Kalaam....

....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Haya Ke Liye....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....

Re: ....Amjad Islam Amjab Sahib Ka Kalaam....