Re: Poetry by Haya Butt

by **haya butt** 24th August 2010, 3:58 pm

beetay huay pal wapis aaya nahin kartay
sookhay huay phool khil jaya nahin kartay

aap ko jo lagta hai sach bhi hai wohi
hum yaadon mein aap ko bulaya nahin kartay

by **haya butt** 24th August 2010, 3:59 pm

tum mera intezaar mat karna
apni aankhain sogwar mat karna

meri yaadon ko paas rakh k tum
kabhi khud ko udaas mat karna

by **Nimmi** 24th August 2010, 4:50 pm

Tamam poetry bohat achi hai.. isi tarah likhti raheen. Poetry by Haya Butt - Page 2 526242

Har poet ka ab seprate thread hai. aap ny isi main apni sharing karni hai.
Shukria...

by **haya butt** 24th August 2010, 5:00 pm

theek hai jee jo hukum

by **Nimmi** 24th August 2010, 5:04 pm

Hukam nahi request hai ap say.
aap ki mazzed sharing ka intazaar rahy ga.

by **haya butt** 24th August 2010, 5:48 pm

zindagi ki bheek milay mujhe tum se
meri ghairat ko yeh gawara nahin hai

by **Afra** 24th August 2010, 6:09 pm

bhot khoob........... Poetry by Haya Butt - Page 2 974254

by **haya butt** 24th August 2010, 11:19 pm

nawazish shukria

by **haya butt** 24th August 2010, 11:44 pm

na teer se na talwar se
na dushmano ke war se

na ishq se aur na khumar se
na mohabbat se na piyar se

na kothi se na hi car se
na hi oonchay karobar se

kisi cheez mein woh maza nahin
jo mujhe milta hai naswaar se

by **Haya** 26th August 2010, 2:21 am

haya butt wrote:dono jab huay aamnay samnay
haya ko haya se haya aa gai

wah sahi farmaya.!
thanks dear.!

by **haya butt** 26th August 2010, 4:37 am

haya welcomed haya

by **haya butt** 26th August 2010, 4:43 am

pehle us ne zar kaha phir da phir ri kaha
es tarah zalom ne zardari ke tukray kar diyay

by **haya butt** 27th August 2010, 1:26 pm

kabhi maslehat se kaam mat lena
apnay sar mera ilzaam mat lena

kabhi bikna para jo ulfat mein
apni wafa ke daam mat lena

by **haya butt** 27th August 2010, 1:31 pm

kabhi maslehat se kaam mat lena
apnay sar mera ilzaam mat lena

kabhi bikna para jo ulfat mein
apni wafa ke daam mat lena

by **haya butt** 27th August 2010, 1:32 pm

ab us ke aanay ka kaun intezaar karay
ab tou paimana e sabar toot chuka hai

by **Haya** 28th August 2010, 4:36 am

haya butt wrote:joota para jo Bush ko tou shaitan ro para
haath uttha ke us ne ki Rab se yeh dua

aay khuda maray abbu salamat rahain
aay khuda maray abbu salamat rahain

hahaahaha,,
nyc one sweety haya Poetry by Haya Butt - Page 2 526242

by **haya butt** 28th August 2010, 7:06 pm

bandi ka adaab qabool keejeeay

by **haya butt** 29th August 2010, 3:35 am

Zabt ki aakhri hadon ko sar kar jana
,Zindagi gham hi sahi hans ke basar kar jana

,Unchey mehal basaney se kaheen behtar hai
,Kisi ke dil main utar ke ghar kar jana

by **haya butt** 29th August 2010, 3:56 am

bichray huay hain jab se piyaar mera aur mein
rehtay hain udaas tab se dildaar mera aur mein

kaisay katay ga jeevan mere piyaar ke baghair
mar ja'ain ge ghum se ghamkhuwar mera aur mein

us ke baghair jeena ab dushwar ho raha hai
dil milnay ke liyay us ko beqarar ho raha hai

mausam baghair us ke sogwaar ho raha hai
lagta hai ronay ko yeh bhi tayyar ho raha hai

ya Rab tu khatam kar de judai ka yeh mausam
ek muddat se milay nahin hain yaar mera aur mein

by **haya butt** 29th August 2010, 4:04 am

aanchal ki aout se jhankti huee woh aankhain
mera dil bhi saath le gaeen aur dil ka qarar bhi

by **haya butt** 29th August 2010, 4:05 am

aankhon mein tujhe bitha tou loon sailab ka darr hai
yeh baras rahi hain barson se barssat ki tarah

by **haya butt** 29th August 2010, 4:06 am

aankhon se teri es liyay laali nahin jaati
koi raat teri sharab se khaali nahin jaati

urra di hai isi mein tum ne sari kamai
isi liyay tere ghar se badhali nahin jaati

bach ke raha kar tu meri aah o faghan se
dil se nikli hui aah kabhi khaali nahin jaati

by **haya butt** 29th August 2010, 4:06 am

aankhon se teri yeh laali chali ja'ay gi
behoshi mein teri baat khali chali ja'ay gi

mujh se bana ke rakho ge tou bhala ho ga aap ka
mein chali gai tou ghar se khushhaali chali ja'ay gi

by **haya butt** 29th August 2010, 4:08 am

nafrat thi agar tou kabhi izhaar na kartay
jaan leni hi thi tou kabhi piyaar na kartay

jaan lena hi agar hamain maqsood hota
nazar ka teer chalatay yoon vaar na kartay

by **haya butt** 29th August 2010, 4:09 am

aatish-e-ishq main jal jao mujhey es se kiya
Mousam ki tarah badal jao mujhey es se kiya

thokar khao ya zakham lagay, ya mere ghum mein tarpo
tum giro ya gir ke sanbhal jao mujhey es se kiya

daikh ker koi khushi tum be qarar ho jao
Ya toofan-e-ghum se behal jao, mujhey es se kiya

Hansta daikh ker hans paro, rota daikh ker ro paro,
Halaat ke sanchay mein dhal jao, mujhey es se kiya

Zararot nahin hai ab kisi hamsafar ki Haya ko
Janib-e-manzil tanha nikal jao, mujhey es se kiya

by **haya butt** 29th August 2010, 9:14 am

gham ho agar dil mein tou rula deti hain aankhain
mili ho koi khushi tou bhi bata deti hain aankhain

by **haya butt** 29th August 2010, 9:28 am

aay yaar tere chehray pe shahkaar hain teri aankhain
na ho sharm o haya en mein tou bekar hain teri aankhain

by **haya butt** 29th August 2010, 9:31 am

yeh khushi ki chand ghariyan de do khairat mein
jo muskura diyay woh tou ho ga kamaal tera

yeh zindagi bas apnay naam likh do haya
shab o roz rakhain ge hum khayal tara

by **haya butt** 29th August 2010, 9:33 am

zara aankh lag gai thi zindagani ke safar mein
jo utth ke dekhta hoon tou jawani guzar gai hai

by **haya butt** 29th August 2010, 9:35 am

kabhi kaha na kisi se terey fasanay ko
na janay kaisay khabar ho gai zamanay ko

by Sponsored content