Now Blind People Can Use Internet

by **Saaim** 13th August 2010, 3:10 pm

اب نابینا افراد بھی انٹرنیٹ استعمال کرسکیں گے

نابینا افراد کے لئے خوشخبری ہے کہ وہ آئندہ برس سے عام صارف ہی کی طرح انٹرنیٹ سے لطف اندوز ہوسکیں گے۔ دنیا کی معروف ویب سائٹ یاہو کے پروگرامر نابینا افراد کے لئے خصوصی پروگرام ترتیب دے رہے ہیں۔

نابینا افراد بریل ڈسپلے استعمال کرتے ہوئے خصوصی سینتھائزر کے ذریعے انٹرنیٹ استعمال کرسکیں گے ۔ادھر گوگل بھی یاہو سے پیچھے نہیں ہے۔ انٹرنیٹ صارفین دو ہزار دس میں 'گوگل ویو' استعمال کرسکیں گے۔

گوگل ویو میں فیس بک اور ٹوئیٹر بھی شامل کئے جائیں گے جس کے بعد صارف کو فیس بک اور ٹوئیٹر پر جانے کی ضرورت ہی پیش نہیں آئے گی۔ میگزین تھری کی نیوز ایڈیٹر کا کہنا ہے کہ 'گوگل میں فیس بک اور ٹوئیٹر کا اضافہ ناقابل یقین تبدیلی ہے۔ لوگوں کو ایک دوسرے سے رابطہ کرنے میں اب مزید مشکلات نہیں ہوں گی '۔انقلابی تبدیلیوں کے بعد انٹرنیٹ صارفین کی تعداد میں مزید اضافہ متوقع ہے۔