"J@l R@ha H@! Gul!staan Mer@,,, K0I Bachata Q nah!????""

Saaim wrote:well baat parhi, thora ajeeb laga parh ke aur hansi bhi aayi, ke waah ji waah kya khoob professor hain,
wesay agar mujhay unka naam pata chal jaaye tou unhain suspend zarour karwaadunga.... ya shayad woh apni job se hi jaaen....

baharhaal sir ki baat main dum nahin, agar un ke khayaal main pak ban'ne se kya haasil howa (i-e: loug maray. jaanain gaen, rishtay tootay, loug bayghar howe) yeh hai.... tou un se sub se pehla sawal yehi hona chahiye tha ke sir ji inqilaab is ke ilaawa boltay kis shay ko kehtay hain...??? dosra yeh ke sir se yeh bhi pochna chahiye tha ke sir ji agar pak ban'na ghalti thi tou tussi yahan ki kar ray 0 ??? third mujhay ik shaayir ka bada hi interesting shair yaad aaraha hai woh likhta hai

"Dil lay ke muft kehtay hain kisi kaam nahin
Ulti shikaayatain howi ehsaan bhi gaye......"

sir ka bhi kuch yehi andaaz maloom hota hai, na unki jaan gayi, na maal magar jin logoun ne is mulk ki khaatir apni aazaadi ke liye apni jaanain deen unki qurbaani ka bhi mazaaq banaadiya....

khair ji aisay aur bhi bahut saaray parhay likhay loug hain, jo pakistan ke liye di gayi qurbaanyoun ko fuzool samajhtay hain, kuch ne tou yeh bhi kehdiya ke pakistan banaana gunaah hai... khair ji kya keh saktay hain....

Hazaar munh hazaar baatain... baharhaal main aapke professor sahib ki is baat se bilkul bhi agree nahi karta....
Allah unhain aqal day.... agar unhain yeh lagta hai ke pak ban'na theek nahin, tou apnay tak rakhain, kum se kum jin logoun ki jaanain gaen, jo bayghar howe unki qurbaanyoun ki bayhurmati nahi karni chahiye....

thanks 4 ur rly saa'im mai r discuss karti apr 14 aug any wali hai r is main mai ye nahi khan chahti k qayam amaal main ana ghalat tha.!
isnhaALLAH phr is topic par tafseelan bat hogi.!!!

ab kuch baat aap k professor sb. ki b ho jaye. Aray yaar un
logon ki qadar karo jo is gaye guzray daur dour mein b aur kuch nahin to atleast apni aik raye, apna aik
point of view rakhtay hain. kyun ki ye wohi rakh sakta hai jo sochta hai, Pakistan Studies k Rattay laga kar usi ko saara sach
nahin samajhta. Doosray hum log aik cheez ko jab muqadas aur mohtaram bana
detay hain to phir us k baray mein sawal karna, poochna, sochna ye sab gunnah
samajnay lagtay hain. Yahi haal hamara apni tareekh, apnay mazhab aur apni
traditions k baray mein hai. Aur by the way ye sab kuch b unhi Gidhon ka kia
dhara ha jo sara ka sar “Chicken Pulao” kha gaye, kyunki unko dar tha k ye
bhookay log hum se sawal kar saktay hain. To is ka sab se bahtar hal yehi tha k
jo is baray mein baat karey, sawal karay, us ko latka do ya us ki zuban kat do, ya phir us ko ghaddar keh kar zamanay k liye ibrat bana do. Taki bakyon mein
sawal karnay ki himmat hi na rahay. Meray kuch sawaal hain jo main one by one aap logon se poochon ga
aur muje umeed hai ki sab log is mein participate karein ge.


Pakistan ko
jis nazriya ki buniyad par banaya gia us ki haqeeqat kia hai? us ka koi wajood b hai ya is ko b is Qaum ko bewaqoof bananay k liye tayyar kia gia?


Aap muje ye
batao ki dunia mein do qaumi nazriya ki koi buniyad hai? Kis base par ye kaha
jata hai k muslim aur non muslim aik
saath nahin reh saktay? koi hadees koi Quran ki Aayat is baray hamari rehnumaee karti ho. Agar aisee baat hai to saray nawab Cambridge university
mein kia kartay rahay, kisi madrisay mein kyun nahin admission lia? Agar aisee
hi baat hai to Muslims ne 1000 saal tak successfully kis tara sub-continent par
rule kar lia? Aur agar aisee hi baat hai to idhar non muslims ko kyun rehnay
dia gia hai, in ko nikal bahir kyun nahin kia? In k saath rehnay se hamara deen napak hota hai to kyun, kyun hum paak muslim napaak non muslims ko
apnay seenay par bitha kar bethay hain? Agar aap history dekho to jis mulk ya
ilakay mein b muslims ne rule kia hai wahan wo kabi be majority mein nahin
rahay. Rule karnay k liye aap ko majority nahin balke, solid system chahiye
hota hai jis ki base par aap hakumat kartay hain. Jab aap sab ko un k rights de
rahay ho to logon ko is se kuch lena dena nahin hai k unke upar kon hakumat kar
raha hai? Aap America mein jatay hain un k system ko follow kartay hain aur
kushi kushi kartay hain. Kyun? Halanki wo non muslim govt. hai lekin aap ko is
se kuch lena dena nahin hota u want you basic rights. Ye wo nazria hai jo
muslims ka hai jis ko un se cheen lia gia. Aur us par apni stamp laga di gayee
hai. Ye bilkul waise hi hai jaise Pakistan k super basmati Rice par india ki
stamp laga ka market mein becha jata hai aur wahan k ghatia quality k chawal
par Pakistani ki stamp laga kar us ko market kia jata hai. So jo nazriaat
hamaray islam k thay wo hum se cheen kar aik man made ideology ko hamaray upar
musalat kar k ye kaha jata hai k yahi wo muqadas nazria hai, is ko mano nahin
to u are not true Pakistani. Tumharay dil mein khot hai. Aray yaar tum logon ka
dil nahin ro raha jab ramzan sar pe hai aur hamaray Pakistani behan bhai apnay
gharon, apni imlaak se mehroom ho gaye. Is selab ne un ko kitnay saal peechay
dhekale dia ye hum log andaza b nahin laga saktay. Kia wo log ab dobara apnay
ghar bana sakein gay jaisa system hamaray Pakistan mein chal raha hai. Ye log
kyun doob gaye? Kyun ki unko bachanay ka koi system siray se bananay hi nahin
dia gia. System banta to logon ki zindagi asaan hoti, relax hotay to society ki problems k
baray sochtay, sochtay to sawal kartay, sawal kartay to uska jawab b dena
parta, to sab se acha hal yehi nikla ki inko kuwein mein hi rehnay do, nadi mein mat
aanay do.

Kia wo Allah k Rasool (SAW) ki
sunnat se match kar raha hai? Aur kia us pe amal kar k hum ne wo islami falahi
riasat qayam kar di jis ka khawab us waqt logon ko dekhaya gia?


Islam kabi b
ye nahin kehta k tum apnay ghar aur main apnay ghar. Matlab muslims k liye liye
alag mulk aur non muslims k liye alag mulk. Agar aisa hi hota to hamaray Rasool
(SAW) Madeena Munawara se kabi wapas na aatay wohi alag mulk bana kar bethtay.
Lekin aap wapas aaye aur muslims aur non muslims koi ikhta kia. Aap ne us
society jo akhri hadh tak kharab ho chuki thi mein aisa system develop kia jo
na sirf muslims ko protect kar raha tha lekin non muslims ko be jeenay k liye
equal rights de rha tha. Yehi waja hai ki wahan k non muslims converted to
islam hoye. Yaaro jab kisi cheez ki buniyad mein cheating hoti hai na to phir
us ka haal b bilkul aisa hi hota hai. India ne 1960s mein land reforms kar k
saray nawabon, rajon aur landlords ki dukandari band kar di aur zameen kisanon
mein takseem kar di. Hamaray idhar aaj tak nawad, waderay, rajay, majarajay
baki hai. Unki jayedadein jo angrezon se wafadarian nibanay k chakkar mein unko
dada pardadaon ko mili wo mojood hain. Kyun? Because they are protected here in
Pakistan more than a joint Hindustan. Aaj ikhatay hotay to shaid koi wadera,
jageerdar na bachta, lekin they are safe now in a safer place like Pakistan.
Kia aap ko maloom hai ki Pakistan mein kuch khandan hain jo Pakistan ko chala
rahay hai, not the whole nation. Ye wo log hain, wo Gidh hain jo start se
Pakistan aur pakistanion ko noch raha hai, aur inhi jaise kayee log jonkon ki
tarha aap ka aur mera khoob choos rahay hain. Aap log janay to jab Fajr ki
namaz ka time hota hai aur muslmanon ko Allah k ghar ki taraf bulaya jata hai
aur aik muslman jab uthnay ki tayyari karta hai to Shetan us k balon mein bohat
pyaar se unglian pherta hai aur kehta hai so ja abhi bohat time hai. Dekh baki
log b to soye hoye hai. Dekh abhi uthay ga aur wuzoo karay ga sari neend kharab ho jaye gi. Jo kamzor imaan
walay hotay hain meray jaise wo wapas neend ka maza lenay lag jatay hain aur
jin ka imaan mazboot hota hai wo Shetan k behkaway mein nahin aatay aur apna
kaam kar jatay hain.

Aap log ye batao ki kia Azadi sindh, sarhad,
Punjab aur balauchistan k muslims k liye hasil ki gaee? Is se teenguna ziada
Muslims to munh dekhtay reh gaye ki ye kia hoa? Ab hum kidhar jayein? Azadi k
liye ye kaise planning thi k aap ne aaday logon ko to azad kara liye aur us se
dugni tadaad ko aap ne girvi rakh dia. Kia wo aap ki tara muslims nahin thay?
Asal maqsad azad hasil karna tha ya kuch aur? Agar maqsad kuch aur tha to wo
kia tha? Kyunki is azadi ki jang ne to na unko kuch faida dia aur na humein.

choti si baat haie Jis maksad kaa liya Quaid-e-Azam naa Pakistan hasil kiya woe aaj tak hum nahe laa saka.

ji ye bhe bilkul sahi kaha ap ney MJKT hum kuch nahi karty just baten banatey hain..
ye nw generation k kho0n main shamil ho gaya hai k baten banao bus r kch nahi koi kaam nahi bus batein banao0..
ye thread meny discuss karney k lie banaya tha k mjehy pata chal sakey k ia waqi hamrey sir sahi hain???????

phley apney kaah k yes sahi hain then ap jaanb kh rahey hain baten baani jai hain..

ji to ap koshish kar rahey hainn to plzz r clear kar dijey k sir sahi hain ya ghalat?????
sahi hain to q sahi hain ghalat hain to q halat hain????
sirf baten nahi banai actual kuch kareny ka jzba jis k andar ho wo kuch kar sakta hai MJKT.!

i wanna discuss wih u abt very sensitife topic.!

umeed hai ap discuss kanrey ise.!

jab mein hee apna kaam niklwana kaa lia chur rastaa dhondtaa hoon tu mujhe saa app kis baat ki umeed rakhtee hain kaa mein is sensitive topic per baat karna kaa kabil bhe hoon!

KIA YE SELFISHNESS
NAHIN THI K KUCH LOG TO CHAIN SE RAHAIN AUR BAKION KO GHULAAMI K LIYE TANHA
CHOR DIA JAYE?


Aap ye batao
k azadi ki jang to sab mil kar larein aur phal kuch selective logon ko milay to
kaisa lagay gay? Yaar aap kis tara aisa formulay ko accept kar saktay ho jis
mein aik qaum ko divide kia jar aha ho. Aap ne us ko accept kia aur bakion ko
marnay k liye tanha chor dia. Kyunki sari leadership ne kalabazi lagaee aur
baag kar Pakistan aa gaye. Un logon ki takleed ka andaza hum nahin laga saktay
jo phir usi ulami mein chalay gaye jis
se nikalnay k liye unhon ne jadojohad ki. Qurbanian di. Apni zameenien,
jayedadein, apni izzar tak qurban kar di, badlay mein kia mila, aik dhoka. Ye
kuch selfish logon ki evil will thi jo unhon ne Hindustan k kuch muslmanon ko
to Pakistan le dia aur baqion ko marnay k liye udhar hi chor dia.


DUNIA MEIN HAR QAUM
APNI HISTORY KO LE KAR FAKHAR KARTI HAI AUR APNI AANAY WALI GENERATION K LIYE
AIK NISHANI K TOR PAR BAKI RAKHTI HAI, PAKISTANI QAUM KI TAREEKH KIA HAI?


Pakistan
bananay se pehlay hum log Shandar qabil e fakhr 1000 sala tareekh k hamil aur maalik
thay. Is 1000 sala daur mein hamaray bohat se Heros thay. Hamari
accomplishments thi. Hamari apni aik identity thi, hum fakhr se apni anay wali
naslon ko wo sab dekhatay thay aur unko b apnay baap dadaon pe maan tha jab wo
taj mehal, laal qila, Qutub minaar, badshahi masjid, Qila Lahore dekhtay thay
to fakhr se doosri qaumo ko batay thay, ye hain hamaray islaaf. lekin 1947 k
baad kia hoa? Hum ko us tareekh se kaat dia gia. Wo tareekh Hindustan k hissay
mein aa gaee. Pakistan k hissay mein kia aaya? Takseem shuda Qaum aur Corrupt
aur Criminal Leadership! Wo leadership jis ka na deen hai na Iman. Jin ka din
America ko sajda kar k aur raat bartania ka Qalma par k guzarti hai. Ye saza
hai hamaray apnay kiye par soch bechar na karnay ki. Jo mulk 1947 ko wajood
mein aaya aur us k baad aik k baad aik lutaira is mulk par qabiz raha, jis ne
jis tareekay se chaha is mulk ko loota, kia hum is tareekh par fakhar karein
aur is tareekh k baray apnay bachon ko batayein? Ya is par k is mulk ka aada
hissa sirf is liye hum se alag ho gia k us ko barabar status nahin dia gia aur us
ne alag honay mein hi apni bahtri samjhi? Aur idhar se kisi k kaan par joon tak
nahin rengi. Inhon ne usey accept karnay mein hi apni aafiat samjhi. Aur wahan
jo zulm in logon ne kia us ka zikar kia hamari tareekh k kisi page par milta
hai. Nahin kyun milay ga. Hum 1965 ko to yaad kartay hain, celebrate kartay
hain lekin 1971 ko kyun yaad nahin kartay. Wo is liye k hum apni galtion ko na
to accept karna chahtay hain aur na hi un par sharminda ho kar is bhooki nangi
Qaum se maafi mangna chahtay hain. Aur phir maafi kyun mangein? Hum se kon poochnay wala hai k is
azaad mulk k azaad capital mein Laal masjid aur jamia hifsa mein kia hoa? Kis
ne kia? Kon mara? Kyun mara? Kis ne mara? Ye poocho gay to Gaddar aur extremist
kehlao gay.


Inqlaab ka matlab kia
hota hai?


Inqalaab Kyun laya
jata hai?


Inqlaab k baad Logon
ki halat kia hoti hai?


In my point
of view, Inqlaab ka matlab hai wipe out the evil system, us saray hoye system
ko, bacteria se alooda system ko jar se ukhar dena with a new, fresh and dynamic
systme. Inqlaab kyun laya jata hai? Matlab jab aap ko aisa lagta hai ki now
this system has nothing to satisfy a society’s needs. Aap ka system itna kharab
ho jaye ki us mein repairing ki koi gunjaish na rahay. To phir aap ko a
alternative system ki zaroorat parti hai. Jis ko aap inqlaab k zariye se hi implement
kartay hain. Inqlaab k baad logon ki halat kia hoti hai? Turning from Black to
White, kaisa lagta ho ga. Aap ne kabi raat ko dekha hai? Raat k baad aik din
nikalta hai. Aik roshan, chamakta din. That is inqlaab. Aap us fark ko mehsoon
kartay hain, dekhtay hain, us mein raat jaisee koi baat nahin hoti. Aik inqlaab
wo tha jo Arab mein aaya tha. Jis ne puri dunia mein Inqlaab ka raasta hamwar
kia. Aik aur baat inqlaab zaroori nahin k khooni hi ho, aur inqlaab kabi
selfishness k saath nahin aata. Inqlaab k liye aap ko aik pooray k pooray
system ko replace karna hota hai, aisa system ko society k har tara k problems
ko solve karnay ki taqat rakhta ho. 1947 mein jo inqlaab laya gia


1. Na to wo belaus
tha


2. Na to us mein
system ko replace karnay ki baat ki gayee


3. Na hi us mein wo
hamageeriat thi


Aaj hum kia
dekhtay hain? Na to system badla, na logon ki halat badly, hum aik gulami se
nikal kar doosri gulami mein aa gaye.

i m very much surprised, kisi ne meray kisi sawal ka jawab nahin dia. is k do hi matlab hain ya to sab kuch samaj aa gia ya kuch b samaj nahin aaya.jo b hoa kuch bolo to.

JAHANGEER wrote:^ Congratulation's

kis bat par?? r kis ko??