JuSt FiNiSh The Story, New Way TO fight

us ne socha k ghar pe bataon, par phir kuch soch kar khamosh rahee. raat ko bistar pe letay hoye b us ko wohi kyaal aatay rahay. ghabrat aur bechaini ne jaise usey apni aghosh mein le lia ho. sakht sardi mein b wo paseena paseena ho rahee thi. "sakeena, beti zara pani to pila de", maan ki awaaz ne jaise usey khayalon k samandar se nikaal kar hakeekat k sahil par utar dia, "acha amma, abhi layee", ye kehtay hoye wo bistar se uthi aur gharay mein se maan k liye pani ka glass nikala aur kamray ki taraf chal pari. aaj zindagi mein pehli baar kamray se akelay nikaltay hoye us ne dar aur khauf ko mehsoos kia. Paani bhartay hoye b wo idhar udhar dekh rahee thi. Anjana khauf us ko charon taraf se apni garift mein liye hoye tha. Jaldi jaldi kamray mein dakhil ho kar maan k bistar ki taraf gaee. “le Amma pani p le”. Maan ne paani us k hathon se liye aur p liya. “jeeti reh, puttar”, maan boli aur wo glass le kar wapas apnay bistar par aa kar let gayee. Lekin neend to shaid aaj us k bistar se koson door thi. Karwat badaltay badaltay akhir neend ki devi us par meharban ho hee gayee.
“Sakeena puttar,” Amma ki awaz ne usey need se jagaya dekha to din apnay pooray jhoban pe tha. Aaj k din mein kuch alag baat thi. Kaam wo kar rahee thi lekin zehan mein wohi kal wala mazar ghoom raha tha. Jaldi jaldi saray kaam nimtanay k baad Amma ko bata kar wo bahir nikli aur kaamo k ghar ki taraf chal di. Dil ghabrahat mein zor zor se dharak raha tha jaise uchal kar bahir hi nikal aaye ga. Maathay pe paseena dil mein khauf aaj sakeena kuch alag hi lag rahee thi.
Abhi wo rastay mein hi thi k aik anjaani awaaz ne usey apni taraf matwajo kia. us awaaz mein kuch aisa tha jis ne usey palat kar dekhnay par majboor kia. “to tu hai wo” us ne jaise hi palat kar dekha…

mager wahan tu koi bhe nahe thaa pher usa laga kaa woe tu us kaa dil-o-dimagh mein is kader bs chuka haie kaa her taraf wie hee dekhaye aur sunaye deta haie