بے یقینی کو مرے، ایمانِ کامل سے بدل، اے خدائے عزوجل

by **Sana Zahid** 8th February 2012, 10:30 am

بے یقینی کو مرے، ایمانِ کامل سے بدل، اے خدائے عزوجل Rose-

ڈھل گیا دن زندگی کا، آگئی شامِ اجل، اے خدائے عز و جل
ہے سفر لمبا ، نہیں دامن میں کچھ نقد عمل، اے خدائے عزوجل

آدمی ہی آدمی کو کر رہا ہے اب ذلیل، اے میرے رب جلیل!۔
آدمیت کی حدوں سے جارہا ہے یہ نکل، اے خدائے عزوجل

ہوتے ہوتے زندگی ساری کی ساری کٹ گئی بے عمل آگہی
موت بڑھتی آرہی ہے لمحہ لمحہ، پل بہ پل، اے خدائے عزوجل

آدمی مختار بھی ہے، آدمی مجبور بھی، پاس بھی ہے دور بھی
دور اپنے آپ سے ہونے لگا ہے آج کل، اے خدائے عزوجل

دولتِ علم و یقیں سے مجھ کو مالا مال کر،مجھے خوش حال کر
بے یقینی کو مرے، ایمانِ کامل سے بدل، اے خدائے عزوجل

بند ہیں سوچوں کے دروازے، دریچے فکرکے، یا الٰہی کھول دے
ذہن ہے مفلوج، جذبات و احساسات شل، اے خدائے عزوجل

ہو سفر مکے کا، منزل ہو مدینہ آخری، آرزو ہے اِک یہی
جی دِیارِ ہند میں لگتا نہیں ہے آج کل، اے خدائے عزوجل

بھیج دے ایک بار ابابیلوں کا لشکر بھیج دے، اپنے کعبے کے لئے
ابرہہ والے ہیں پھر آمادۂ شر آج کل، اے خدائے عزوجل

میں نے پابندی ہمیشہ تیرے احکام کی کی ہے، اور دن رات کی
اور ہوتی بھی رہی کوتاہیٔ فکر و عمل، اے خدائے عزوجل

میری ہمت، میری قوت، جو بھی کچھ ہے، سب تیرا، کچھ نہیں اس میں میرا
تو نے دی ہے جو نقاہت، تو ہی دے گا مجھ کو بَل، اے خدائے عزوجل

کیا کرے تیری ثنا! ہے راہیؔ بے نقط و نوا، اس کی پھر اوقات کیا!۔
ہیں سدا محوِ ثنا ارض و سما، دشت و جبل، اے خدائے عزوجل

بے یقینی کو مرے، ایمانِ کامل سے بدل، اے خدائے عزوجل Rose-

by **mehboob** 8th February 2012, 3:11 pm

JAZAK ALLAH

AAMEEN.

THNX FOR SHARNG. KEEP IT UP

by **Sana Zahid** 8th February 2012, 5:21 pm

Thanks

by **mehboob** 8th February 2012, 9:06 pm

YOU R WELCOME

by Sponsored content

بے یقینی کو مرے، ایمانِ کامل سے بدل، اے خدائے عزوجل

بے یقینی کو مرے، ایمانِ کامل سے بدل، اے خدائے عزوجل

Re: بے یقینی کو مرے، ایمانِ کامل سے بدل، اے خدائے عزوجل

Re: بے یقینی کو مرے، ایمانِ کامل سے بدل، اے خدائے عزوجل

Re: بے یقینی کو مرے، ایمانِ کامل سے بدل، اے خدائے عزوجل

Re: بے یقینی کو مرے، ایمانِ کامل سے بدل، اے خدائے عزوجل