From My Diary

by **Saaim** 27th August 2010, 7:20 am

Pehlay hi kya haseen kam thay jo ye ghat bana liya
Sar ko munda ke aapne gumbat bana liya,

Ab to youn naqli baal koi jhonparri lagay
Sar ko kisi fakeer ka turbat bana liya.

Chehra hai chaand se tou kahaawat thi aap ne
Gunja kara ke us ko haqeeqat bana liya,

Baaloun ka shouq tha tou ye daar’hi bhi chorrh di
Munh ko masoor sar ko khuli chhat bana liya…

by **Saaim** 27th August 2010, 7:23 am

Ishq main har sha’bhi joker si nazar aati hai
Lambi patloon bhi nikkar si nazar aati hai,

Ishq hojaaye to aankhoun main andhairay chaa’en
Khaar ki saajh bhi bistar si nazar aati hai,

Jab talak dost thay har baat pasand aati thi
Ab to ye shakal bhi budkaar nazar aati hai,

Pehlay detay thay misaalain meri gulzaroun si
Aaj soorat bhi unhain khaar nazar aati hai,

Dil tarasta tha kabhi aik jhalak ki khaatir
Ab museebat hai ye har baar nazar aati hai,

Rou rahay hain ke rou bhi saktay nahin
Zindagi aaj ye bekaar nazar aati hai…

by **Saaim** 27th August 2010, 9:56 pm

kichan kaa bailan mara thaa tum nay jab mujh ko
us din ko yaad kartaa hoon to aankhain bheeg jaate hain,

na karo mujh pay itnaa zulm kay aajaiy ambulance
dandaa jab uthaati ho to aankhain bheeg jaate hain,

kuch to khudaa ka khouf karo reham mujh pay tum karo
aaj itnaa bhee peto aankhain bheeg jaate hain,

sirf thappar say hee kar lo guzara aaj tum baigam
kay chappal jab uthati ho to aankhain bheeg jaate hain,

jab bhee daikhta hoon main tumhaaray haath main dandaa
wohee din yaad aata hay to aankhain bheeg jaate hain,

kia tha kia qusoor kion mara mujh ko baigam nay
yeh jab bhee soochta hoon to aankhain bheeg jaate hain,

main is qadar hogaya hoon hassas us din say
kisi ko pittay daikhtaa hon to aankhain bheeg jaate hain

by **Saaim** 27th August 2010, 10:03 pm

yaaro ko aazma k dkh liya,
party main bula k dkh liya,

mout bhe hum se door bhagti hai,
car k niche aa k dkh liya,

marta nhe ye jaraseem-e-ishq,
safeguad se naha k dkh liya,

koi sunta nhe faryaad-e-ghareeb,
radio pe gana ga k dkh liya,

hmaray dil ka pta nhe milta,
x-ray bhe kra k dkh liya....

by **Saaim** 27th August 2010, 10:07 pm

I dedicate to all our beloved parliment members

Nayee kabina mein apna muqaam paida kar
NRO se naye subh o shaam paida kar

Khuda agar dil e "PERMIT"shanass de tujh ko
ChaRhte Suraj se bus Dua-Slaam paida kar

Watan se dollar o aataa Utha ke note banaa
Rag-e-gharib se maa'ye lalaa faam peada kar

Khudi to khudcush dhamaakey ki belt pehna de
Zameer bech ke aish-o-aaraam peda kar

IMF se kaho "de ja annheyaan sakhiyaan nu"
Najj-kari se meena-o-jaam paida ker

60 faqiron ko khana khilaa kafarah de
Naye wazir naye ohdon ke naam paida ker

Pehley Sutlej, Ravi aor abb Chanab bhi khushk
Wahgha paar tijarat mein naam paida ker